壞習慣

有些壞習慣就好似中毒咁, 改極都改唔到...
今日的傑作, 就係漏銀包喺公司, 結果遊了一大輪車河啦!
都已經唔知第幾次發生了, 不過之前都總在離開不久發覺,
同埋我每次都好肯定係唔記得拿走, 所以都乜無特別。
不過今日因為太趕, 要喺有限的時間去探一探婆婆,
然後又要趕去開會, 所以我係完全無印象有無拿走...
如果剛才唔係開會時要幫人收錢的話,
分分鐘要返到屋企才發覺, 今晚就一定會睡得唔好了!
不過向好方面諗, 我可以開會中途離開, 唔駛呆坐著,
又順勢取消了一張好耐都無用的信用卡啦!
不過明天我一定要貼張字條提醒自己,
唔好再歷史重演啦!